‘Click-bait’ dhe dezinformatë për vrasjen e gruas shtatzanë

20 dhjetor 2022 16:12

Në javën e fundit të nëntorit janë vrarë dy gra nga burrat e tyre. Rasti i parë ka ndodhur më 25 nëntor, ku gruaja, me profesion mësuese, është  vrarë  me sëpatë nga burri i saj në orët e para të mëngjesit. Ndërsa, vrasja tjetër u krye më 30 nëntor në oborrin pranë repartit të Gjinekologjisë në QKUK, ku burri e qëlloi për vdekje gruan e tij shtatëzanë.

Këto ngjarje tronditëse kanë ngjallur reagime të shumta në opinionin publik, si nga zyrtarë të institucioneve të Kosovës, ashtu edhe nga shoqëria civile dhe qytetarët e Kosovës.

Të gjitha mediet pa përjashtim kanë raportuar për këto raste, shpesh duke garuar me njëra tjetrën se cila po i publikon më shpejtë, ndërsa ka prej tyre që nuk i kanë kushtuar rëndësi verifikimit të lajmeve para se t’i publikojnë.

Një prej mediumeve online, Gazetakorrekte ka publikuar një artikull me titull “Ish-burri i möri jetën, dëshmitarja që pa ngjarjes: Ajo i tha të mendonte për fëmijën që do lindte” [sic].

Image

Për më tepër përmbajtja e këtij lajmi bie në kundërshtim me titullin, sepse titulli është keqinformues dhe çorientues. Pra, kemi të bëjmë me ‘click-bait’!

Image

Pra, përmbajtja e tekstit nuk e arsyeton dhe titullin e vënë nga ky medium, që për qëllim si duket ka pasur keqinformimin lidhur me këtë fatkeqësi.

Ky ‘lajm’ i shkel standardet profesionale dhe etike të një gazetarie profesionale që ka për qëllim profitin përmes dezinformimit të opinionit publik.

Rasti, i cili tronditi opinionin është duke u hetuar nga organet e drejtësisë. Dy ditë pas vrasjes së ish-gruas, dhe në kërkim nga policia dorasi bëri vetëvrasje në shtëpinë e tij në Shtime. Ai kreu aktin, megjithë përpjekjet e policisë që ta bindë për t’u dorëzuar.

20 dhjetor 2022
16:12

Disinfo