Çelnaja - Episodi 1: Edukimi seksual - Mirishahe Syla

18 nëntor 2022 14:33

Edukimi seksual, sado që është i pranishëm si nocion në opinion publik, në shoqërinë kosovare vazhdon të mbetet akoma si temë e heshtur apo e ndaluar. Përveç kësaj, ajo vazhdon të jetë një temë e keqkuptuar dhe keqintepretuar. Edukimi seksual ende nuk është pjesë e kurrikulave shkollore në vend.

Episodi i parë i emisionit Çelnaja i dedikohet pikërisht edukimit seksual. Në emision, së bashku me aktivisten dhe publicisten Mirishahe Syla flasim për edukimin seksual si koncept dhe si praktikë e edukimit shkollor të sistemuar. Në nivel konceptual Mirishahja thekson nevojën e perspektivës feministe me qëllim të dekonstruktimit të sistemit patriarkal dhe konceptimin e edukimit seksual si rrugëtim vetënjohës dhe çlirues; kurse në nivel të edukimit sistematik shkollor, ajo flet për nivelin biologjik, psikologjik dhe filozofik të edukimit të fëmijëve. 

Për detaje dhe shqyrtime të tjera rreth kësaj teme, vazhdoni të ndiqni emisionin.

• Autor dhe moderator: Latif Mustafa

• Mysafire: Mirishahe Syla

• Montazhi dhe realizimi: Alb Muhaxhiri - AlbDizajn

Për çdo pyetje, sugjerim, a koment na shkruani në [email protected].

Projekti mbështetet dhe financohet nga Rockefeller Brothers Fund.

18 nëntor 2022
14:33

Çelnaja

të ndërlidhura